Heziketa Zentroetarako Kontzertuak

Orri honetan aurkituko duzu Baluarte Fundazioa – Nafarroako Orkestra Sinfonikoak nafarroako lehen eta bigarren hezkuntzako ikastetxeetarako 2019-2020 ikasturtean eskainiko dituen kontzertu didaktikoei buruzko informazioa.


Pulcinella.
Stravinskiren suitean oinarritutako ipuin musikala

Argazkia: Limako Antzerki Nazionala

Norentzat: Lehen Hezkuntzako bigarren eta hirugarren zikloko ikasleentzat (3./4./5./6.)

Generoa: Ipuin musikala orkestra eta narratzailerako.

Musika: Stravinskyren – Pulcinella Suitea eta Grieg en Holberg Suitea Op.40 (III. Gavota)
Gidoia: Ana Hernández-Sanchiz, Fernando Palaciosen ipuin musikalean oinarritua
Narrazioa:
 Ana Hernández Sanchiz, aktorea eta pedagogoa.
Nafarroako Orkestra Sinfonikoa
Zuzendaria:
Ignacio García Vidal
Egunak eta lekua: 2020ko otsailaren 13a, osteguna, eta 14a, ostirala, 10:00etan eta 11:30ean, Iruñeko Baluarte Auditorioko areto nagusian eta 2020 maiatzaren 21ean, Tuterako Gaztambide Antzokian.

Sinopsia: Musika eta hitza uztartu dira Stravinskik bere Pulcinella Suitean deskribatutako Commedia dell’arteko pertsonaiak biziberritzeko. Stravinskik hura izen bereko balletatik abiatuta ondu zuen. Suitea neoklasikoa da estiloz, eta konpositore errusiarrak ederki berrinterpretatu zuen XVIII. mendean konposatutako musika. Esaten da musika Giovanni Battista Pergolessik egina dela.

Istorioa hasten da Pulcinellak bere biolin zaharra atera, eta huraxe jotzen eta dantzan hasten denean, berak bakarrik dakien bezala”.

Helburuak:

  • Ikasgelan ikasleak motibatzea aldez aurreko jardueren bidez, kontzertu sinfoniko batera gogoz joan daitezen; gainera, kontzertuan behar bezala jokatu eta isilik egon behar dutela lantzea. Jarrera horiek beharrezkoak baitira artisten lana errespetatzeko eta ikuskizuna atseginez entzuteko.
  • Musikak beste arte-arlo batzuekin duen lotura erakustea, hala nola antzerkia eta dantzarekin, Commedia dell’Arteko argumentu batean oinarrituta dagoen balet baten suitearen egokitzapen eszenikoaren bitartez.
  • Pertsonaien egoera eta emozio ezberdinekin lotutako gaiak identifikatzea.
  • Orkestra baten instrumentuak aurkeztea.
  • Entzute aktiboa sustatzea, publikoak kontzertuan era aktiboan parte hartzeko proposamen errazen bidez.
  • Gazteendako programazio sinfonikoan ohikoak ez diren musikak eta konposizioak ezagutzera ematea.

Publikoaren parte-hartzea:

  • Koreografía: Gavota.
  • Erritmoa: Tarantella.
  • Kantua: “Gure laguna maitea” Minuettoa.
  • Errezitazio magikoa: “Pulcinella, entzun” Minuettoa.

INFORMAZIO INTERESGARRIA ETA IZEN-EMATEA
  1. Izen-ematea: Interesa duten ikastetxe guztiek izena emateko galdetegia bete beharko dute 2019ko irailaren 27a baino lehen. Ikastetxeak izen-ematearen araberako hurrenkeran onartuko dira. Izena emateko eskaera-prozesua ez da bukatutzat joko, antolatzaileen mezu bat jasotzen ez den bitartean eskaera jaso izana baieztatzeko.
  2. Lekuak: Ikastetxeendako kontzertuak Iruñeko Baluarte Auditorioko Areto Nagusian eta Tuterako Gaztambide Antzokian eginen baitira.
  3. Kontzertu-datak: Izen-emateak jaso ondoren, eta behin epea itxitakoan, antolatzaileek ikastetxeei jakinaraziko diete onartuak izan diren ala ez jardueran parte hartzeko, eta taldeak saioz saio banatuko dituzte, zer hizkuntza aukeratu den eta zenbat ikasle dauden izen emanik ikastetxe bakoitzeko. Ikastetxeei posta elektronikoz jakinaraziko zaie 2019ko urriaren 25a baino lehen zer kontzertutara joan beharko duten, betiere saioa, eguna eta ordua zehaztuta.
  4. Ikasmateriala: Irakasleei gida didaktikoaren kopia bat emanen zaie doan, jarduera aurretik ikasgelan landu dezaten.
  5. Iraupena: Kontzertuek 55 minutu inguruko iraupena izanen dute.
  6. Prezioa eta jarduerak ordaintzea: Kontzertuetara joateko, 2€ ordaindu behar dira ikasle bakoitzeko. Joan-etorriaren kostua ikastetxeek ordainduko dute beti. Irakasle bat joan beharko da izena emandako 10 ikasle bakoitzeko. Izen-ematea ordainketa bakarrean eginen da, banku-transferentzia bidez, kasuan kasuko kontzertuen eguna iritsi baino lehen; horretarako, antolatzaileek faktura bat bidaliko diote ikastetxe bakoitzari jarduera baino 3 aste lehenago, ordura arte izena emanikoen kopurua kontuan hartuta. Kopuru hori ezin izanen da ondoren aldatu.
  7. Leku kopuru mugatua dago.
Informazioa deskargatzeko sakatu Jarduera Didaktikoak BF-NOS 2019 2020 Ikasturtea
Argibideak:

Ione Arroniz Tristán
Hezkuntza- eta gizarte-proiektuen koordinatzailea
Baluarte Fundazioa – Nafarroako Orkestra Sinfonikoa
948 229 217 edo didacticos@orquestadenavarra.es

Calle Mayor, 48. 31610 Villava, Navarra. T +34 948 229 217 info@orquestadenavarra.es
Bulego-orduak: astelehenetik ostiralera, 9:30etik 16:00etara

2019 © Nafarroako Orkestra Sinfonikoa

X